أطفالنا .... ( المشروع الجمـــــــــــــــيل)
--------------------------------------------------------------------------------
السلام عليكم ورحمة الله وبركاته
كيفكم ؟؟ كل عام وانت بالف خير وصحه وعافيه
مين فيكم يبغى يسوي مشروع ناجح يحصد ثماره على المدى البعيد
ويكون فيه ربح 100 %
نداء لكل زوجه وزوج
ليش ما تخلون من اطفالكم مشاريع صغيره تحتاج لتنميه واعتناء ورعايه من جميع النواحي
علشان في المستقبل يصيروا مشاريع كبيره وناجحه وتكونوا انتم اول الناس اللي يقطف من ثمار هذه المشاريع ويستفيد منها
أطفالكم يحتاجوا منكم شويه صبر وحلم وكفاح مثلهم مثل المشاريع
خلونا كلنا نودع اساليب التربيه الرديئه
ابتعدوا عن اهمال اطفالكم وكل واحد يعتمد على الاخر في التربيه
ابتعدوا عن المشاكل امام الأطفال
ابتعدوا عن الخدم اللي صارو يربون عيالنا عنا
ابتعدوا عن الألفاظ البذيئه
ابتعدوا عن التفريق بين الذكور والاناث
في بعض العوائل تشد مع اولادها بقوووووه في كل شي صغير وكبير تلاقي الام تصرخ على عيالها والأب ايضا صراخ طول الوقت
فتلاحظون ابنائهم يكبرون وكلهم عقد ونفسيات مختلفه متذبذبه
وعوائل اخرى يصير الاب او الام عصبي والاخر باااااارد
فتلاقون عيالهم متذبذبين بقوووووووه
وعوائل اخرى ماتعرف توجه ابنائها وتعلمهم من الصح من الخطاء
ماخذين كل شي ببرووود وحنان زايد ودلع زايد ايضا
ونادرا ماتجد عائله معتدله لا تشد ولا ترخي الام والاب متفقين
والاولاد ايضا في كل شي
تلاقون اجتماعاتهم كلها الفه ورحمه وموده
ومافيها مشاكل
وش رايكم كل واحد ووحده يبدأ بنفسه من الآن
ويسأل نفسه كيف تربيته لأطفاله هل هي صحيحه او لا
وايش الأخطاء اللي يرتكبها في التربيه واللي تحتاج تغيير
ويحط في باله انه اطفاله هم مشروووع المستقبل اللي لازم يظهر بأحلى شكل ويكون ناجح من جميع النواااحي النفسيه والعاطفيه والاجتماعيه
ولازم يسمي كل واحد فيهم (مشروعي الجميل)
اجتمع انت وزوجتك
او
انتي وزوجك
وقررو اسلوب التربيه اللي لازم تتخذوه وتتعاونو مع بعض فيه
واذا طبقتوا هالشي راح تلاحظوا تغيرات في حياتكم (طبعا للأفضل)
واللي ابغاه منكم ايضا انه كل واحد يقرا موضوعي يكتب ايش الأخطاء اللي يتبعها في تربية ابنائه وكيف لازم يغيرها
وايش الأسلوب اللي راح يتخذه من بعد هالتغيير
وايش افضل اساليب التربيه في نظره
